Is féidir an t-áireamhán postais a úsáid chun costas postála d’earra a sheiceáil. Beidh rogha agat ansin stampaí a cheannach inár siopa ar líne ionas go mbeidh tú in ann an t-earra a phostáil tú féin.
Nó is féidir leat an costas a ríomh agus dul chuig an oifig poist is cóngaraí duit chun an t-idirbheart a chríochnú. 

Braitheann an aicme poist lena mbaineann d’earra, agus an costas postála, ar a mhéid agus a mheáchan.  Is féidir leis an Treoir um Sheoladh cabhrú leat a dheimhniú an litir, clúdach mór, paicéad nó beartán atá á phostáil agat.

Go hidéalach ba cheart duit d’earra a mheá le cinntiú go mbeidh an postas ceart á íoc. Ach má bhíonn deifir ort nó mura bhfuil scálaí meáchain ar fáil duit, cabhróidh ár dTreoir Meáchain leat meáchan earraí a phostáiltear go minic a dheimhniú.
Má sheolann tú earra le postas uireasach dá mhéid nó dá mheáchan, cuirfear ar ais chugat é agus caillfidh tú an postas bunaidh.

Is ceart an lipéad a ghreamú go daingean ar aghaidh d’earra, le téip thrédhearcach le cinntiú go bhfuil sé le feiceáil. Tá barrachód soiléir ag teastáil chun d’earra a rianú, mar sin ná cuir téip thar an mbarrachód agus déan cinnte nach dtagann meath ar an mbarrachód tar éis é a phriontáil.

Nuair a bhíonn an fhaisnéis riachtanach comhlánaithe agat ar líne, tugtar cód ar leith duit i ríomhphost deimhnithe. Is féidir leat é seo a thabhairt leat chuig an oifig poist is cóngaraí duit chun an lipéad a phriontáil agus d’earra a phostáil.
Má tá aischur curtha in áirithe agat le bailiú, ní gá duit an lipéad a phriontáil mar go gcuirfí ár dtiománaí ar fáil é.

Is féidir leat do bheartáin a fhágáil ag aon Oifig poist ar fud na tíre nó i gceann dár locair bheartáin.  Is féidir beartáin intíre a fhágáil freisin in ionaid roghnaithe PostPoint

Is féidir leat lipéid iomadúla a cheannach in aon idirbheart amháin le Click & Post. Beidh siad seo go léir áirithe i do ríomhphost deimhnithe. 

Is tagairt í an uimhir seo d'aon lipéid a ceannaíodh le chéile in aon idirbheart amháin agus is féidir í a úsáid chun tuilleadh faisnéise a fháil fúthu.

Má cheannaíonn tú lipéad ar líne le hearraí luachmhara a phostáil, is féidir árachas a chur lenár seirbhísí Mearphost nó Post Cláraithe. Beidh árachas de réir a luach luaite, atá cothrom lena chostas duitse, ar d’earra.
Má bhíonn aischur á chur in áirithe agat, ní chuirtear árachas ar d’earra go huathoibríoch.

Ní féidir aon earra atá ar ár liosta d'earraí toirmiscthe
 

Is féidir do bheartán a rianú lenár seirbhís Rianú Táirge Scantar d’earra nuair a bhailíonn ár dtiománaí é nó nuair a fhágtar é agus beidh an scan seo le feiceáil inár seirbhís rianaithe. Scantar d’earra arís nuair a sheachadtar é, le tú a chur ar do shuaimhneas go tháinig sé slán.

Le cinntiú go dtagann do bheartán slán sábháilte, lean na noda ar Do bheartán a ullmhú le postáil
Má tá earra á chur ar ais agat, is ceart é a phacáil go cúramach, i bpacáistiú oiriúnach. Má úsáideann tú an pacáistiú bunaigh, déan cinnte go mbeidh na lipéid sheachadta bainte nó clúdaithe agat. 
Murar féidir an pacáistiú bunaidh a úsáid, pacáil é den chaighdeán céanna le cinntiú go seolfar d'earraí go slán sábháilte.

Má tá pacáistiú ag teastáil uait le haghaidh d'earraí, seiceáil ár roghanna pacáistithe réamhíoctha áireamh ná stampaí nó lipéid a cheannach.

Ní mór do gach rud a sheoltar lasmuigh de Phoblacht na hÉireann a chur trí chustaim le seiceáil an bhfuil toirmisc nó srian air agus le cinntiú go bhfuil an cháin agus an dleacht cheart íoctha.
Le pacáiste a imréiteach, ní mór go mbeadh eolas cruinn ag na custaim ag an gceann scríbe faoin ábhar atá ann.  Beidh ort faisnéis áirithe a sholáthar le cabhrú le hoifigigh chustaim an pacáiste a sheiceáil.

Ag braith ar cheann scríbe d’earra, d'fhéadfaí a iarraidh ort an fhaisnéis a leanas a sholáthar do chustaim:

• D'ainm agus do sheoladh 
• Ainm agus seoladh an fhaighteora
• Tuairisc mhion ar inneachar d’earra
• Cainníocht
• Meáchan
• Luach
• Aicme an earra
• Faisnéis bhreise

Ní mór do sheoltóirí tráchtála faisnéis bhreise a sholáthar, lena n-áirítear cód taraif* Córas Comhoiriúnaithe (HS) agus tír bhunaidh na n-earraí.

* Is cód táirge-shonrach é an cód taraife mar atá doiciméadaithe sa Chóras Comhchuibhithe (HS) arna chothabháil ag an Eagraíocht Dhomhanda Custaim
Seiceáil Ceisteanna Coitianta Custam le haghaidh freagraí ar na ceisteanna is coitianta a chuirtear maidir le foirmeacha custam a chomhlánú.
 

Ón 1 Eanáir, beith athruithe ar an gcaoi a sheolann tú earraí agus a fhaigheann tú siopadóireacht ar líne ón mBreatain.

Tá tuilleadh faisnéise faoi na hathruithe seo ar ár leathanach faoin mBreatimeacht