Gnáthrud a dhéanamh den mhaireachtáil inbhuanaithe

Forbhreathnú

Táimid tiomanta do thionchar dearfach a imirt ar ár bpobail trí
 dheiseanna laethúla a chruthú chun gnáthrud a dhéanamh den mhaireachtáil inbhuanaithe
do gach duine in Éirinn.

In 2022 ba sinne an chéad ghnó in Éirinn a ghlac roinnt gealltanas mar chuid de thionscnamh “Beat the Peak” ESB Networks, mar ar chuireamar roinnt beart i bhfeidhm thar thréimhse an gheimhridh chun ár mbuaic-ídiú leictreachais a laghdú go suntasach, agus ag an am céanna ár seirbhísí a chothabháil go hiomlán le linn an ama is gnóthaí den bhliain. Rinneamar laghdú 34MWh ar ár n-éileamh leictreachais le linn buaic-am úsáide náisiúnta 5pm go 7pm idir an 10 Samhain agus an 30 Nollaig, rud a sháraigh ár sprioc de 30 MWh, le tionscnaimh mar a leanas:

• Córais téimh uathoibrithe inár n-oifigí a theorannú go 19 gcéim Celsius agus socrú den chineál céanna a fhorbairt do chórais láimhe.
• Sceidil athluchtaithe ár EVanna a scaradh amach ionas nár luchtaíodh ach 50% den fhlít idir 5pm agus 7pm.
• Múchadh gach trealamh agus teicneolaíocht neamhriachtanach in Oifigí Poist, in iostaí poist agus i bhfoirgnimh eile, amhail Ard - Oifig an Phoist, go hiomlán thar oíche (i.e. níor fágadh ar chúltaca iad) agus múchadh gach soilsiú maisiúil (i.e. neamhshlándáil nó oibríochtúil) ag 6pm.
• Spreagamar ár 9,000+ fostaí freisin chun páirt a ghlacadh sa dúshlán intíre “Beat the Peak ”, ag cabhrú linn go léir lorg a fhágáil ar féidir linn a bheith bródúil as.