Supporting Responsible Consumption

Geilleagar ciorclach

Leanúint orainn ag fiosrú conas ár lorg comhshaoil a laghdú agus luach níos mó a bhaint as ár dtáirgí agus ár n-airíonna d'fhonn tacú le prionsabail geilleagair chiorclaigh.
Déanfar iniúchadh ar conas is féidir athearraíocht a bhaint as ceallraí feithiclí leictreacha díchoimisiúnaithe chun leictreachas a stóráil ó phainéil ghréine.
Leanfar ar aghaidh ag fiosrú conas is féidir linn éide iomarcach a uaschúrsáil.
Leathnófar úsáid ár bhfotháirge bithdhíleáite chuig suíomhanna eile de chuid An Post.
Déanfar iniúchadh ar chomhpháirtíochtaí chun ár dtrealamh TF a uaschúrsáil ag deireadh saoil chun athearraíocht nó athúsáid a bhaint as.
Déanfar iniúchadh ar roghanna do throscán iomarcach atá ann mar gheall ar ár n-aistriú chuig ceanncheathrú nua.
Déanfar suirbhé ar an bpacáistíocht aon úsáide a úsáideann ár soláthraithe lónadóireachta chun laghdú breise a dhéanamh ar dhramhaíl.

Seolfar pacáistiú in-athúsáidte a mbeidh dhá stiall ghreamaitheacha ann ach ar féidir é a athúsáid arís agus arís eile le lipéad nua a cheannaítear in Oifig an Phoist. D'fhéadfaí na lipéid sin a úsáid freisin le haghaidh pacáistíochta réamhíoctha atá ann cheana, d’fhonn athúsáid a chumasú agus dramhaíl a laghdú.
Leanfar ar aghaidh ag plé leis an EPA maidir le ceadúnas bainistíochta dramhaíola a bhaint amach do thionscnaimh an gheilleagair chiorclaigh.
Cinnteofar go bhfuil ár gcóras bainistíochta dramhaíola san fhoirgneamh EXO deartha chun cabhrú linn ár rátaí athchúrsála a mhéadú agus a chinntiú go mbailítear agus go ndiúscraítear dramhaíl leictreonach i gceart.
Cloífear le deimhniú LEED le cinntiú go mbeidh 15% de na hábhair a úsáidtear i bhfeistiú ár n-oifigí i bhfoirgneamh EXO ó fhoinsí athchúrsáilte nó go bhfuil deimhniú FSC acu.

Leanúint ar aghaidh ag fiosrú an tírdhreachú is oiriúnaí dár láithreáin agus conas is féidir linn tomhas na bithéagsúlachta a fheabhsú.
Seolfar feachtas chun fostaithe a spreagadh le bheith páirteach i gcláir mhonatóireachta an Ionaid Náisiúnta Sonraí Bithéagsúlachta chun na sonraí agus an fhaisnéis bhithéagsúlachta atá ar fáil a mhéadú.
Suirbhéanna bunlíne a dhéanamh i bpríomhláithreáin chun a fháil amach cad iad na speicis ainmhithe, éan agus feithidí atá iontu agus an bealach is fearr chun iad a spreagadh chomh maith lena chinntiú nach gcuireann aon tírdhreachú isteach orthu.

Raon feidhme na hinbhuanaitheachta a leathnú laistigh dár bpróisis soláthair trí inrochtaineacht, éagsúlacht agus ionchuimsiú a chur san áireamh laistigh den phróiseas pleanála réamhsholáthair, nuair is cuí. Spreagfaidh sé seo comhráite maidir le riachtanais bhreise nó shonracha chustaiméirí, fhostaithe agus phobail a bheadh ag teacht ar na hearraí agus na seirbhísí atá á bhfáil nó á n-úsáid.