Beacha Meala Ard-Oifig an Phoist
Cuireann an bheachaireacht muid i dteagmháil arís leis an dúlra - na séasúir, an aimsir, na bláthanna, na crainn - a bhfuil gach beach ar brath air.
Tá dhá choilíneacht den bheach meala dhorcha againn in An Post ar dhíon Ard-Oifig an Phoist.
Cén fáth a bhfuil beacha chomh tábhachtach?
Is pailneoirí iad beacha meala. Bíonn coirceoga a bhíonn lonnaithe i gcathracha níos sláintiúla agus níos torthúla mar go mbíonn rochtain ag beacha uirbeacha ar bhithéagsúlacht níos mó. Cé nach speiceas i mbaol iad na beacha meala, tá speicis áirithe de bhumbóga agus de bheacha aonair i mbaol.
Cén fáth an bús go léir?
Déanann beacha pailniú ar 80% de na bairr.
Déanann beacha pailniú ar 33% den bhia a ithimid.
Is mar gheall ar bheacha atá 85% de na plandaí ann.
Ní mór dúinn an speiceas gleoite seo a chosaint ach cad atá ag déanamh dochair dóibh?
Ciallaíonn easpa bithéagsúlachta nach mbíonn bia ag beacha i rith na bliana go léir. Bláthaíonn plandaí éagsúla i séasúir éagsúla agus mar sin tá an éagsúlacht tábhachtach.
Nuair a spraeáiltear lotnaidicídí ar phlanda déantar dochar do na beacha a thagann chucu ag lorg bia.
.
Tá claochlú ar na séasúir leis an athrú aeráide agus níl beacha áirithe in ann maireachtáil ach laistigh de theochtaí sonracha.
Cad is féidir liom a dhéanamh ar son na mbeacha gleoite?
Cuir fáilte roimh na bláthanna fiáine (fiailí), na caisearbháin go háirithe.
Ná lom an léana chomh minic.
Úsáid leasú nádúrtha seachas lotnaidicídí.
Cuir bláthanna atá báúil le beacha, tugann bláthanna le cupaí oscailte níos mó rochtana do bheacha ar bhia.
Tacaigh le feirmeoireacht inbhuanaithe trí bhia a táirgeadh go háitiúil agus mil orgánach a cheannach.
Fíricí fánacha faoi bheacha
Buaileann beacha a sciatháin 200 uair sa soicind.
Bíonn 5 shúil agus 6 chos ag beacha.
Ní chodlaíonn beacha.
Tá inchinn bheiche chomh beag le síol seasamain.
